जीबी पंत घुड़दौड़ी इंजीनियरिंग कॉलेज क नौकरि बटि हट्यां कुलसचिव संदीप कुमार थैं एसआईटी न पकड़ि

जीबी पंत घुड़दौड़ी इंजीनियरिंग कॉलेज क नौकरि बटि हट्यां कुलसचिव संदीप कुमार थैं एसआईटी न पकड़ि याली। कुलसचिव पर नौकरि मा रैन्द दा पैंसो क मामला मा घपला करणा क आरोप छायीं।

आज सोमवार खूंणि पैल्यक कुलसचिव थैं एसआईटी न पकड़िक मुख्य न्यायिक मजिस्ट्रेट पौड़ी क अदालत मा पेश कायी। पैंसों क घपला क मामला मा संदीप कुमार थैं पैळि हि नौकरि बटि हट्यूं छायीं।

बतै दियां बल 30 अक्टूर 2021 मा वै बगत क कार्यवाहक कुलसचिव डॉ. सचिव नैथानी न पौड़ी कोतवाली मा एक शिकैत दर्ज कै छायीं। शिकैत मा उन्न कुलसचिव संदीप कुमार पर संस्थान साल 2018-19 मा हुईं मास्टर अर कुलसचिव क पद पर भर्ति अर साक्षात्कार मा सरकारी कागजु थैं गैब करणा कु आरोप लग्यें छायीं।