निविदा प्रक्रिया मा घपतोळ (घपला) बौत बडु दुर्भाग्य च : सतपाल महाराज

देरादूण। पर्यटन मंत्री सतपाल महारजन बोलि क नंदा राजरात जनि धार्मिक अर पवैत्र जातरा मा जख श्रद्धाळु दान दिन्दन वैकी निविदा प्रक्रिया मा घपतोळ (घपला) बौत बडु दुर्भाग्य च।

महाराजन बोलि कि ये मामळु मा जिला पंचैत अध्यक्ष रजनी भण्डारी थैं पद बटि हटयें ग्यें। उन्न बोलि कि जिला पंचैत अध्यक्ष भण्डारी क कार्यकाल मा हूयां घपरोळ क कारण विथैं पद बटि हटयें ग्यें।

महाराजन बोलि कि जब काम कम पैंसौं मा हि करौंण छायीं त टेण्डर मा सब्यौं क कम पैंसौं भवरण वळि कम्पनी तैं काम किलै नीं दियेग्यें। उन्न बोलि कि निविदा मा सबसे जादा पैसों काम करण वळि कम्पनी तैं काम दियेग्यें अर काम करणा कु भुगतान निविदा मा सबसे कम पैंसा भवरयां कम्पनी क हिसाब से कर्यें ग्यें। महाराजन बोलि यु घपरोळ नीं च त क्या च।

महाराजन बोलि कि ऐ काम मा पैंसौं कु घरपोळ नीं ह्वै पर जब काम कम पैंसौं मा हि करौंणु छायीं त, टेण्डर जादा पैंसौं काम करण वळि कम्पनी थैं किलै दियेग्यें, क्या यु कम पैसौं मा कम करण वळि कम्पनी क दगड़ मा ध्वका नीं च, क्या यु कम्पनी कु हकु फर डाका नीं च। उन्न बोलि नियम तोड़िक अपड़ौं थैं फैदा खूंणि काम दियेग्यें।