डोईवाळा सामुदायिक स्वास्थ्य केन्द्र क अनुबंध खत्म करणा खूंणि यूकेडी न निकाळि रैळी, लग्यें जाम
देहरादूण। सामुदायिक स्वास्थ्य केन्द्र डोईवाळा क अनुबंध खत्म करणा क मांग थैं लैकिकै आज उत्तराखण्ड क्रान्ति दळ क कार्यकर्ताओं न डोईवाळा चौक मा सरकारक खिलाफ नारा बाजी कायी अर सड़क्मिा जाम लग्यें द्यायी।
पुळिसळ बड़ि मुसिक्ळळ आंदोळनकारियों थैं वखम बटि हटै। उत्तराखण्ड क्रांन्ति दळक व्यटुळा जब तक अनुबंध खतम नि ह्वै जादु तक तक रास्ता बन्द करणा क मांग करणि रैं, बाद मा बौत समझाणा क बाद उन्न रस्ता ख्वाळ।
दूसर तरफ आंदोळनकारी सुमन बडोनी क आमरण अनशन थैं पांच दिन पूरा ह्वैग्यीं, सुमन बडोनी क शरैळ ळगातार कमजोर हूंणि च।
उत्तराखण्ड क्रांन्ति दळ क केन्द्रीय मीडिया प्रभारी शिव प्रसाद सेमवाळ न ब्वाळ कि अनुबंध खतम करणा क सरकारळ दिंयु बगतकु आज आखिर दिन बाद भि सरकारळ अनुबंध थैं खतम नि कायी। जै सै आंदोळनकारी बौत नाराज छन।
उन्न ब्वाळ कि अब अगर कै भि आंदोळनकारिळ कुईं गळत कदम उठै त ऐ कि जिमेबार सरकारक ह्वैळी।