दीवळी क दिन फुट्यां पटकौंन हवा थैं कै दे जैरीळु

देरादूण। दीवळी क त्योवार क बाद उत्तराखण्ड प्रदूषण नियंत्रण बोर्ड न एयर क्वालिटी इंडेक्स क रिपोर्ट जारी कै। जैमा या बतै ग्यें कि दीवळी क दिन प्रदेस मा फुट्यां पटाकौंन प्रदेसाक हवा थैं खूब खराब कै दे। हवा मा प्रदूषण खतरनाक ह्वैग्ये।

उत्तराखंड प्रदूषण नियंत्रण बोर्ड ने एयर क्वालिटी इंडेक्स क आंकड़ों मा देरादूण मा एयर क्वालिटी इंडेक्स 247 पौंचि ग्यें। जब एक्यूआई कु आंकड़ा 201 बटि 300 के बीज मा हूंद त हवा खराब मन्यें जान्द। जैमा लोगु थैं सांस लिंणा मा दिकदरि हूंद।

रिपोर्ट मा बतै ग्यें बल देरादूण मा घंटाघर मा एक्यूआई क आंकड़ा 252 च। ऋषिकेश, हरद्वार, काशीपुर, रूद्रपुर रुड़की मा बि हवा जैरीळु ह्वैग्यें।