प्रदेस मा ‘मुख्यमंत्री उदीयमान खिलाड़ी उन्नयन योजना’ क ह्वै सुरुआत
मुख्यमंत्री पुष्कर सिंह धामीन न आज पुलिस लैन मा नेशनल स्पोर्ट डे पर उर्र्यू कार्यक्रम मा मुख्यमंत्री उदीयमान खिलाड़ी उन्नयन योजना थैं सुरुआत कायी।
मुख्यमंत्री धामीन न बोलि बल खेल विभाग मा खेल प्रशिक्षकों क कमी थैं देखिक सबि जनपदु मा 8-8 विभागीय खेलु क मास्टरू क भर्ति कर्यें जाली। उन्न बोलि मलखम्ब थैं खेल नीति मा सामिल कर्यें जालु।
मुख्यमंत्री धामीन बोलि आज मेजर ध्यानचंद जी कु जन्मबार च अर आजै क दिन हम प्रदेस मा ‘मुख्यमंत्री उदीयमान खिलाड़ी उन्नयन योजना’ सुरू करणा छा। उन्न बोलि ‘मुख्यमंत्री उदीयमान खिलाड़ी उन्नयन योजना’ सुरू करणा खूंणि यां से अच्छु दिन नि ह्वै सकदु। उन्न बोलि हमन कुछ दिन पैलि राज्य मा प्रतिभाशाली खिलाड़ियु खूंणि खेल छात्रवृत्ति देंणा कु फैसळ कै छायी अर हमथैं खुसी च हूंणि कि हम योजना थैं सुरू करणा छौ। हमरि सरकार ज्वा ब्वलद वु करदि च।
मुख्यमंत्री न बोलि मुख्यमंत्री उदीयमान खिलाड़ी खूंणि उन्नयन योजना मा 8 से 14 सालक खिलाड़ियों खूंणि 1500 रुप्या हर मैना छात्रवृत्ति दियें जाली।
प्रदेस मा राज्य खेल पुरस्कार, देवभूमि उत्तराखण्ड खेल रत्न, देवभूमि उत्तराखण्ड द्रोणाचार्य पुरस्कारों के दगड़ मा हिमलालय रत्न खेल पुरस्कार दियें जाणा छन।
ऐ मौका फर खेल मंत्री श्रीमती रेखा आर्य, धर्मपुरा क विधायक विनोद चमोली, अपर मुख्य सचिव श्रीमती राधा रतूड़ी, विशेष प्रमुख सचिव खेल अभिनव कुमार, निदेशक खेल गिरधारी सिंह रावत, संयुक्त निदेशक डॉ. धर्मेन्द्र भट्ट छायीं।