मुख्यमंत्री न कांवड़ जातरा मा अय्यां शिव भक्तु क खुट्टा ध्वैंकी कायी सत्कार
हरद्वार। मुख्यमंत्री पुष्कर सिंह धामीन आज डामकोठी हरद्वार मा कांवड़ जातरा मा अय्यां शिव भक्तु क खुट्टा ध्वैंकी अर ऊथैं गंगा जल दे कैकि ऊंकु सत्कार कायी। मुख्यमंत्री न बोलि कि मां गंगा क कृपा सब्यौं पर बणि रय्यां। उन्न बोलि कि शिव भक्तु मा भगवान शिव जी कु अंश दिखेंन्दन।
ऐ मौका फर मुख्यमंत्रीन डामकोठी मा डाळु भि लग्यें। उन्न बोलि कि कांवड़ जातरियों खूंणि सब्यां बन्दबस्त ठीक ढंग से हूंय्या या खूंणि सरकारन कांवड़ जातरा खूंणि पैळि बार अलग से बजट कु बन्दबस्त कायीं। उन्न बोलि कि कांवड़ जातरा क बारा जाणकारी लिंणा खूंणि उन्न एक व्हाट्सप गु्रप बण्यूं च जैमा वु भि जुड्यां छन।
मुख्यमंत्री कांवड म्यळा थैं सै ढंग से चलौंणा खूंणि सामाजिक संस्थाओं, स्वयं सेवी संस्थाओं शासन अर जिला प्रशासन क भि बढै़ं कायी।
ऐ मौका फर विधायक आदेश चौहान, प्रदीप बत्रा, पैल्यक विधायक संजय गुप्ता, गढ़वाल कमिश्नर सुशील कुमार अर औरि जण्यां-मन्यां मनखि वखम छायीं।