मुख्यमंत्री धामीन केन्द्रीय नागरिक उड्डन मंत्री से कायी भेट अर उत्तराखण्ड मा हवै सेवा थैं औरि कटकुट बणौंणा क बारा म कायी बात
देरादूण। मुख्यमंत्री पुष्कर सिंह धामीन न आज नै दिली मा केन्द्रीय नागरिक उड्डयन मंत्री ज्योतिरादित्य सिंधिया से भेट कायी अर उत्तराखण्ड मा हवै सेवा थैं औरि कटकुट बणौंणा क बारा म बात कायी।
मुख्यमंत्री न विनती कायी कि चिन्यालीसौड़ अर गौचर बटि छ्वटा एयर क्राफ्ट चल्यें ज्यां। जै फर केन्द्रीय मंत्री न बोलि कि जल्दी हि या सेवा सुरू कर्यें जाली। उन्न बोलि अगळु टंेडर मा सर्वे करणा क बाद गौचर व चिन्यालीसौड थैं हवै सेवा मा सामिल करयें जालु।
केन्द्रीय मंत्री न बतै कि पिथौरागढ़ बटि फिक्सड विंग एयरक्राफ्ट सेवा सुरू करणा क बारा मा एयरलाइन थैं कार्य आदेश जारी कैरि याली।
केन्द्रीय मंत्री न पंतनगर हवै अड्डा थैं औरि बढ़ौंणा क बारा मा बोलि कि जन्दी हि यु फैसला ल्यें जालु।
जौलीग्रांट हवै अड्डा थैं अंतर्राष्ट्रीय हवै अड्डा क बणौंणा क बारा मा मुख्यमंत्री जल्दी से जल्दी काम करणा क विनती केन्द्रीय मंत्री से कायी। केन्द्रीय मंत्री ज्योतिराज सिंधिया न मुख्यमंत्री थैं विस्वास दिलैं कि उत्तराखण्ड मा हवै जातरा के सबि प्रस्तावु थैं जल्दि हि पूरू कर्ये जालु।
मुख्यमंत्री न केन्द्रीय मंत्री कु आभार बोलि।