मंत्री मण्डला दगड़ि मुख्यमंत्री धामीन करिन भगवान रामलला क दर्शन
दून। मुख्यमंत्री धामी न आज अपणि सर्या कैबिनेटा दगड़ि अयोध्या पौंछिकि रामलला क दर्शन करिन। ऐ मौका पर सब्बि मंत्री भक्ति भाव दिख्येनि।
अयोध्या महर्षि वाल्मीकि अंतरराष्ट्रीय ह्वै अड्डा पौंछण पर धामी अर ऊंका दगिड़यों कु स्वागत ह्वे।
मुख्यमंत्री धामीन बोलि कि भगवान राम लला क दर्शन करण से ज्यू खुस ह्वेग्ये। उन्न बोलि भगवान राम तैं सालु तक टेंट मा रैंण प्वाड़। आज रामलला कु मंदिर बणिग्ये। मुख्यमंत्री न बोलि आज भगवान रामलला क दर्शन कैकि मि बौत खुस छौं, मि श्रीराम खुट्टौं मा समर्पित छौं।
मुख्यमंत्री न बोलि कि भगवान रामा नगरी अयोध्या मा उत्तराखण्डा रैवासियों खूणि उत्तराखण्ड सरकारन राज्य अतिथ गृह बणौंणा तय्यरि कै याली। उन्न बोलि कि 4700 वर्ग मीटर मा बणण वलु राज्य अतिथि गृह खूणि जमीन मूल्यौंणा खूणि हमरि सरकान 32 करोड़ रुप्यौं क मंजूरि के याली।
मुख्यमंत्री धामी क दगड़ि सतपाल महाराज, प्रेमचन्द अग्रवाल, सुबोध उनियाल, डॉ. धन सिंह रावत, श्रीमती रेखा आर्य अर राज्य सभा सांसद नरेश बंसल छायी।