अल्मोड़ा क मुख्य शिक्षा अधिकारी की एक चिट्ठी सोशल मीडिया मा वायरल, कांग्रेस ह्वै पिरपिरि
अल्मोड़ा क मुख्य शिक्षा अधिकारी की एक चिट्ठी सोशल मीडिया मा वायरल हूंणा क बाद प्रदेसा राजनीति मा गरमैस ह्वैग्यें।
मुख्य शिक्षा अधिकारी क 13 फरवरी 2023 क चिट्ठी मा एबीवीपी क अल्मोड़ा इकाई कु जिला सम्मेलन मा कक्षा 9 अर 11 क स्कुळयां नौनो तैं भाग लिंणा खूंणि ब्वलें ग्यें छायीं।
अल्मोड़ा जिला क मुख्य शिक्षा अधिकारी सत्यनारायण क लेखि चिट्ठी खुब वायरल हूंणि च अर कै तरौं क सवाल हूंणा छन।
मुख्य शिक्षा अधिकारी न सात स्कुळौं क प्रधानाचार्यौं तैं निर्देश दे अर लेखि कि अपड़ा अपड़ा स्कुळा 9 अर 11 क नौन्याळु तैं एबीवीपी क जिला सम्मेलन मा भाग लियां।
चिट्ठी क सोशल मीडियाम वायरल हूंणा क बाद कांग्रेस सरकार पर हमला करणि च। कांग्रेस सरकरि स्कुळयां नौनो तैं एबीवीपी क कार्यक्रम मा सामिल हूंण पर गलत बतौंणि च।
हरीश रावत न बोलि कि यु सरकारि मशीनरी कु गलत इस्तेमाल च। उन्न बोलि कि एबीवीपी कु मतबल अखिल भारतीय विद्यार्थी परिषद क जिा सम्मेलन मा तुम अपड़ा स्कुळयां नौना थैं लेकैकि ज्या वु आदेश दियें ग्यंे, जै से नकल विरोधि कानून पर तालि बजें सक्यां।