बिना शर्त पार्टी मा आण वळों खुणि खुल्ळा छन भाजपा क द्वार : बंशीधर भगत

ळोहाघाट । भाजपा प्रदेश अध्यक्ष बंशीधर भगत न ब्वाळ कि पार्टी संगठन कु लगातार विस्तार हुंण च। ळोग भाजपा क नीति अर सरकार क काम-काज से खुश ह्वै कैकि भाजपा से जुड़णा छन। उन ब्वाळ कि बिना शर्त पार्टी म जुड़न वळों खुणि पार्टी कर द्वार हमेशा खुळा छन।

प्रदेश अध्यक्ष न ब्वाळ कि संगठन थैं मजबूत करणा खुणि कार्यकर्ताओं थैं प्रशिक्षित करै ग्यायी। पार्टी 2020 क विधानसभा चुनौ सरकार का काम-काज अर विकास का मुद्दों पर ळाड़ळि।

प्रदेश अध्यक्ष न ब्वाळ कि कोरोना काळ मा सरकारळ प्रवासियों थैं स्वरोजगार दिंणा खुणि कई योजना चळईं छन।
बंशीधर भगत क ब्वाळ कि पहाड़ मा स्वास्थ्य सेवा मा सुधार की जरूरत च। उन ब्वाळ कि मेडिकल काॅलेज, डाॅक्टर क पहाड़ मा तैनाती अर अस्पताळु क व्यवस्था थैं ठीक करैं जाणु च।