मुख्यमंत्री धामी नै टिरी ‘बेटी ब्वारयूं कु कौथिग’ म भाग ल्यायी

टिरी। मुख्यमंत्री पुष्कर सिंह धामी आज टिरी मा एक रोड शो कायी। जख मुख्यमंत्री क स्वागत म बौत सर्या लोगु जुटयां छायीं। मुख्यमंत्री धामी पर टिरी क जनता न फुळु क बरखा कायीं। मुख्यमंत्री धामी न टीला साहिब गुरुद्वारा बौराड़ी मा पौंछिकि मत्था टेकी अर प्रदेसा सबि रैवासी सुखि सन्ति रैयां का कामना कायी।

बतै दियां कि मुख्यमंत्री धामीन ‘वीर बाल दिवस’ मौका फर टिरी म छायीं। जख उन्न गणेश चौक बटि प्रताप इंटर कॉलेज तक रोड शो कायी। रोड शो मा भारी भीड़ छायीं।

ऐ मौका पर मुख्यमंत्री नै टिरी प्रताप इंटर कॉलेज म उर्यूं ‘बेटी ब्वारयूं कु कौथिग’ म बि भाग ल्यायी। एक मौका फर मुख्यमंत्री न ऐ मौका पर मुख्यमंत्री धामी न 415 करोड़ रुप्यौं क 160 योजनाऔं कु लोकर्पण अर शिलान्यास कायी। यां क दगड़ बोलि कि ग्लोबल इनवेस्टर्स समिट क जरिया टिरी म हुयां 3900 करोड़ रुप्यौं क एमओयू बटि 2400 करोड़ रुप्यौं कु निवेश या सुरूवात च।

मुख्यमंत्री न स्वयं सहायता समूह क हस्तशिल्प अर हस्तकला प्रदशर्नी तैं देखि। मुख्यमंत्री न जंदरू चलैकि ब्यटुलों तैं हौसल बि बढै़। मुख्यमंत्री न अच्छु काम करणि वला स्वयं सहायता समूह क ब्यटुलों तैं सम्मानित कायी।

मुख्यमंत्री धामीन स्कुल्यां बच्चौं तैं नशा मुक्त देवभूमि बणौंणा क सौं बि दिलै।

ऐ मौका पर कैबिनेट मंत्री सुबोध उनियाल सब्यौं तै। ‘बेटी ब्वारयूं कु कौथिग’ क बधै अर शुभकामना द्दायी।