‘मुंगरि’ खाणा क छन बौत फैदा
बरखा क दिनुमा मुंगरि खाणा कु अलग हि मजा च। बस्गाल मा मुंगरि नीं खाईं यनु ह्वै नि सकदू। बस्गाल मा मुंगरि सबि जगों मा मिलि जान्द। मुंगरि आगि मा भुनिक या पाणि मा उमाळि खाणा कु अपणु अलग हि मजा च।
मुंगरि तैं मकई अर स्वीट कॉर्न त कखि भुट्टा ब्वलें जान्द। मुंगरि शरैल खूंणि बात फैदामन्द हूंद। बरखा दिनुमा सबि ळोग मुंगरि खान्दन। मुंगरि मा विटामि ए, बी, ई खनिज एंटीऑक्सीडेंट हून्दन। मुंगरि क रस्याण त अलग हून्दन यांक दगड़ि मा मुंगरि शरैल खूंणि बि बौत फैन्दामन्द हूंद। त आवा जंणदा छाैं मुंगरि खाणा से क्या-क्या फैदा हून्दन –
मुंगरि कु पैळि गुण हि च बुढ़या हूयां या छ्वटा मुंगरि खाणा से हमरा दांत कटकुटु (मजबूत) हून्दन।
कार्बाेहाइड्रेट शरैल तागत दिन्दन अर मुंगरि मा कार्बाेहाइड्रेट बौत जादा हून्दन। इल्लै ऐ तैं खाणा से पुटग भ्वरणा क दगड़ मा शरैल तैं तागत बि मिलदि।
खराब कोलेस्ट्रॉल ज्यूं क बिमारि खूंणि बौत जादा खराब हून्द। इन्न मा मुंगरि खाण से शरैल मा कोलेस्ट्रॉल बस मा रैंद। मुंगरि मा विटामिन सी, बायोफ्लेवोनॉयड्स, कैरोटेनॉयड्स, फाइबर हून्द जु कोलेस्ट्रॉल तैं घटौंणा मा मदत करदु।
मुंगरि मा फाइबर (रेशा) बौत जादा हून्द अर रेशा हमरु खाणु तैं पचौंणा खूंणि जरूरी च। इल्लै मुंगरि खाण से पुटग साफ रैन्द अर पुटग मा कब्ज नीं हून्दू।
मुंगरि मा आयरन, मैग्नीशियम अर कॉपर क अलावा फोस्फारस बि हून्द। यु सबि हड्कों खूंणि बौत जरूरी हून्दन, यान शरैल हड़का मजबूत हून्दन।
मुंगरि मा कैरोटेनाइड हूंद। यु शरैल मा विटामिन ए तैं बणौंणा मा मदत करदु। अर विटामिन ए आंखों तैं तेज करणा दगड़ा दगड़ि आंखों क कै बिमरि अर दिक्कत तैं नीं हूंण दिन्दू।