2016 स्टिंग कु मंसाण दुबर ऐग्यें भैर, हरक सिंह ब्वना छन स्टिंग क् बारा मा क्वीं पता नीं छायीं
देरादूण। 2016 मा हरीश रावत सरकार कु स्टिंग ऑपरेशन क मामला मा 8 साल बाद उत्तराखण्ड मा एकदा दुबरा राजनीति ताति ह्वैग्यंे। एक तरफा कांग्रेसी नेता ये थैं केन्द्र सरकार क कांग्रेस तैं परेशान करणा क चाल बतौंणा छन त वखि ऐ मामला मा जु हरक सिंह रावत हरीश रावत तैं सर्या दोष दिंणा छायी वु अब सीबीआई पर सवाल खड़ा करणा छन।
हरक सिंह रावत ब्वना छन कि 2016 क ऐ मामला मा राष्ट्रपति शासन क फैसळा तैं हाईकोर्टन बि खतम कै दे छायीं त अब 8 साल बाद ऐ मामला मा क्वीं मामळु हि नीं बणदु। उन्न बोलि कि मि अपड़ा वकीलु क दगड़ बात करलु अर ह्वै साकलु त केस वापिस ल्यूंळु।
हरक सिंह रावत बोलि कि वु थैं ये स्टिंग क बारा मा क्वीं पता नीं छायीं। उन्न बोलि बल ऐ मामळा मा म्यारु क्वीं मतलब नीं छायीं। उन्न बोलि कि हम जब रिजॉर्ट मा छायीं जब उमेश कुमार कु मिथैं फोन ऐ अर उन्न बोलि कि हरीश रावत जी बात करण चांणा छन तब हरीश रावतन मि दगड़ बात कायी। हरीश रावत क दगड़ मेरी नजराजगी अर कै औरि मुद्दों फर बात ह्वै।
हरक सिंह रावतन बोलि कि दूसर दिन उमेश कुमार कु फोन ऐ अर उन्न बोलि कि हरीश रावत क दगड़ मा मेरी बात कर्यें हरीश रावत न बोलि कि अर तुम त बौत हल्का मा हि छुट ग्यां। उन्न बोलि कि मिथैं नी पता छायीं कि यखम हरीश रावत कु स्टिंग ह्वैग्यें।
हरक ंिसंह रावतन बोलि कि स्टिंग पूरु हूंणा क बाद मिथैं उमेश कुमार कु फोन ऐ अर उन्न बोलि कि मेरी राज्यसभा क सीट त्यार रख्यां काम ह्वैग्यें। हरक सिंह रावतन बोलि कि वै बगत बि मेरी समझ मा कुछ नीं ऐ। उन्न बोलि जब दिल्ली मा स्टिंग का पत्रकार वार्ता ह्वै तब मिथैं या बात पता चलि।
वखि मदन बिष्टा क स्टिंग फर हरक सिंह न बोलि ऐ मामळा मा बि म्यारु क्वीं मतलब नीं च। उन्न बोलि कि मदन बिष्ट क कारण मिन हरीश रावत क दगड़ मा लड़ै कायी।
हरक सिंह रावतन बतै कि कैलाश विजयवर्गीय अर पीयूष गोयल न बोलि कि तुम मदन बिष्ट क दगड़ मा क्वीं बात नी करळा।
हरक सिंह रावतन बोलि यु मामळा अगनै जालु त वु अपड़ि बात ब्वन मा क्वीं बि झिचक नीं करळा।