विश्व पर्यावरण दिवस: पर्यावरण तोकम काम करण वला लोगु तैं मुख्यमंत्रिन कायी सम्मानित
मुख्यमंत्री धामिन आज मुख्यमंत्रि अवास मुख्यमंत्री सेवक सदन म विश्व पर्यावरण दिवस कु मौका पर पर्यावरण तोकम काम करण वला लोगु तै सम्मानित कायी।
सुन्दर लाल बहुगुणा प्रकृति अर पर्यावरण संरक्षण पुरस्कार-2025 सरकरि श्रेणीम नगर निगम रुद्रपुर तैं दियें ग्यायी जैथैं नगर निगम रुद्रपुरा उपनगर आयुक्त श्रीमती शिप्रा जोशी न ल्यायी।
सुन्दरलाल बहुगुण प्रकृति अर पर्यावरण संरक्षण पुरस्कार-2025 (गैर सरकारी) श्री विजय जड़धारी अर श्री प्रताप सिंह पोखरियाल तैं सम्मानित करे ग्यायी।
ऐ मौका पर उत्तराखण्ड प्रदूषण नियंत्रण बोर्ड कु जागरूगता पोस्टर कु विमोचर अर इको टूरिज्म कॉरपोरेशन कु त्यार पोर्टल कु बि मुख्यमंत्रिन लोकार्पण कायी।
ऐ मौका पर मुख्यमंत्रिन प्लास्टिक मुक्त उत्तराखण्ड सौं इस्कुळि नौन्याळु तैं दिलै अर बच्चों तैं कपड़ा क थौला बटिंन।
मुख्यमंत्री धामिन प्रदेसा रैवासियों अर जातरियौं से विनति कायी कि जगली जानवरु तैं क्वीं बि खाण पिणा की चीज नी दियां उन्न बोलि यां से ऊंकी तबैत खराब हूंद।
उन्न बोल जलमबार, ब्यो कु मौका पर एक डाळु जरुर लग्यां। उन्न बोलि इन्न कोसिसों न हम पर्यावरण तैं बचै कसदौ। मुख्यमंत्रिन सब्यौं तैं पर्यावरण दिवसा बधै द्यायी अर बोलि कि उत्तराखण्ड बौत बगरैळु प्रदेस च यख बोण, गदना, ग्लेशियर हमरा प्रदेस पछ्याण छन।