समान नागरिक संहिता, बाबा साहिब डॉ. भीमराव अंबेडकर कु सुपिन पूरु ह्वेग्ये: धामी

मुख्यमंत्री धामिन आज उत्तराखण्डम समान नागरिक संहिता कानून लागू करण पर उर्यीं धन्यवाद रैली तैं सुरु कायी। रैली चौधरी ओमपाल ढावा लिब्बरहेड़ी बटि स्वीटी फार्म लिब्बरहेडी तक उर्यें ग्यायी। रैलीम मुख्यमंत्री धामी टैªक्टर चलै कि पौंछिन।

रैली मा मुख्यमत्रीं धामिन बोलि कि प्रदेसम समान नागरिक संहिता लागू हूंण पर संविधान निर्माता बाबा साहिब डॉ. भीमराव अंबेडकर कु सुपिन साकार पूरु ह्वेग्ये।

उन्न बोलि मंगलौर विधानसभाम धन्यवाद रैली उर्यें ग्यायी, वु मेरु धन्यवाद स्वागत नीं च, बल यु सवा करोड़ उत्तराखण्डा रैवासियों कु सम्मान च।

मुख्यमंत्रिन बोलि कि जिम्मदारु क् भलै का वास्ता 14 हजार करोड़ रुप्यौं की सात नै परियोजना कु काम सुरु करै जाणु च। जिम्मदारू तै। बागवानी का वास्ता 80 प्रतिशत सब्बिडी दिये जाणि च।
मुख्यमंत्रिन बोलि कि एक कुन्टल ग्यूं मूल्यौंण पर 20 रुप्या बोनस दिये जाणु च। 1 कुन्तल रिखु मोल पर बि 20 रुप्या बढ़यें ग्यींन।
मुख्यमंत्रिन बोलि कि प्रदेस म भ्रष्टाचार करण वलो पर सखत कारवै करे जाली।
उन्न बोल हरद्वार जमीन घोटला मामला कारवै करे ग्यायी, अर आईएएस अर पीसीएस अधिकारी पर कारवै करे ग्यायी। कार्यक्रम मा मुख्यमंत्री न विधानसभा तोक मंगलौर म महाराजा सूरलमल क नौं से खेल स्टेडियम बणौंणा की घोषणा कायी।