खुलिग्येन श्री हेमकुण्ड साहिबा द्वार
सिख धर्म कु आस्था कु केन्द्र हेमकुण्ड साहिब जी का द्वार आज विधि-विधान से खुलिग्येन।
छन्चर खुणि गोविन्दघाट गुरुद्ववारा बटि पंच प्यारों कु पुलिस बन्दुबस्त, सुरक्षा, बैंण्ड बाजों क दगड़ि पवैत्र निसाण साहिब दगड़ि हेमकुण्ड फैटि। यु जत्था रात्रि घांघरिया बासा रै।
आज सुबेर यु जत्था जयकारों दगड़ि हेमकुण्उ साहिब खुणि फैटि। सुबेर शुभ मुहूर्त पर श्री हेमकुण्ड साहिब पाट श्रद्धालुओं का दर्शन खुणि ख्वलें ग्येन।
हिमकुण्ड दगड़ि आस्था कु प्रतीक लोकपाल मंदिर तैं बि विधि-विधान दगड़ि ख्वलें ग्यायी।
ऐ मौका पर हेमकुण्ड साहिबा ट्रस्टा अध्यक्ष नरेन्द्र जीत सिंह बिंद्रा न जातरा बन्दुबस्ता वास्ता थानाध्यक्ष विनोद रावत अर चौकी प्रभारी घांघरिया कु अभार बोलि अर ऊंतै सम्मानित कायी।