सिंगटाल पुळ तैं मिलिग्ये मंजूरि, 57.12 करोड रुप्या मंजूर
लोक निर्माण मंत्री सतपाल महाराजन बोलि कि सिंगटाली पुळ बणण से प्रदेसा 35 विधानसभा अर लगभग 25 लाख लोेगु तैं फैदा होलु।
मीडिया तैं जारी बयानम सतपाल महाराजन बोलि कि सिंगटानी पुळ बणौंण मांग बौत पैैलि बटि हूंणि छायीं अर अब ये पुळ तैं बणौंणा मंजूरि मिलिग्ये। उन्न बोलि यां से बौत लोगु तैं फैदा होलु।
कैबिनेट मंत्री सतपाल महाराजन बतै कि यमकेश्वर कौडियाल व्यास घाट मोटर मार्ग मा 150 मीटर लंबु बणौंणा वास्ता 57.12 करोड रुप्या मंजूर ह्वेग्येन। उन्न बोलि यु पुळ बणण से गढ़वाल अर कुमौ की दूरी कम ह्वे जाली। महाराजन बोलि कि यु पुळ बणण से देरादूण बटि रामनगर दूरी 45 किमोमीटर कम ह्वे जाली।
कैबिनेट मंत्री सतपाल महाराजन बोलि यमकेश्वरम कौडियाल व्यास घाट मोटर मार्गम 150 मीटर लंबु पुळ बणण लगभग 25 लाख लोगु तैं फैदा होलु उनन बोलि कि अधिकारिायें तैं निर्देश दिए ग्येन की पुळ कु काम जल्दी सुरु करे ज्यां।
कैबिनेट मंत्री सतपाल महाराजन पुळ तैं मंजूरि मिलण पर मुख्यमंत्री कु अभार बोलि।