मुख्यमंत्रिन सरकारा तीन साल पूरा हूंणा फर उर्यूं सेवा, सुशासन अर विकास कार्यक्रम मा भाग ल्यायी

मुख्यमंत्री धामिन आज सर्वे स्टेडियम देरादूणम प्रदेस सरकारा सेवा, सुशासन अर विकास क तीन साल पूरा हूंणा मौका पर उर्यूं कार्यक्रम मा भाग ल्यायी। ऐ मौका पर उन्न लोगु दिक्कतु क हल खुणि लग्यां बहुउद्देशीय शिविर तैं बि देखि।

या से पैलि मुख्यमंत्रिन हाथी बड़कला बिटि सर्वे स्टेडियम तक रोड शो कायी।
ऐ मौका पर मुख्यमंत्री न घोषणा कायी कि राज्य बणणा क पच्चीस साल पूरा हूंणा मौका पर सैरु मा देवभूमि सिल्वर जुबली पार्क बण्यें जाला। उन्न ग्राम्य विकास विभागा स्वयं सहायता समूह तैं क्रेडिट कार्ड लिंकेजा चेक, अर महालक्ष्मी किट अर खेती-पाति का औजार बि बंटिन।

मुख्यमंत्रिन बोलि कि प्रदेस सरकार प्रदेसा विकास वास्ता बौत तेजी से काम करणि च। प्रदेसम गौं-गौं मा सड़क बण्यें जाणि छन, ऋषिकेश-कर्णप्रयाग रेल लैन कु काम जल्दी हि पूरु कैकि, पाड़ा रैवासियों कु रेल कु स्वींणु पूरु ह्वे जालु।
मुख्यमंत्रिन बोलि उड़ान योजना क जरिया देरादूण, अल्मोड़ा, उत्तरकाशी, गौचर अर पिथौरागढ़ तैं हेली सेवा सुरु करै ग्यायी।
मुख्यमंत्रिन बोलि दिल्ली देरादूण एक्सप्रेसवे कु काम खळाखळ पूरु करै जाणु च। यांका दगड़ि रिस्पना अर बिंदाल गदना फर फोरलेन एलिवेटेड सड़क बणाणा योजना त्यार करै जाणि च। देरादूण म 1400 करोड़ रुप्यौं की परियोजना पर काम करै जाणु च।

लैंसडौन चौक मा लाईब्रेरी बण्यें ग्यायी। सैरु म पर्यावरण बचौंणा वास्ता 30 इलेक्ट्रिक बस चल्यें जाणि छन।

ऐ मौका पर कैबिनेट मंत्री गणेश जोशी, मेयर देरादूण सौरभ थपलियाल बि छायीं।