पर्यटन अर स्वरूजगार मा खुब नौं कमौंणु च ‘ सारी गौं ‘

रुद्रप्रयाग। रुद्रप्रयाग मा तुंगनाथ, चोपता टैªक म सारी गौं उत्तराखण्ड पाड़ि तोकम पर्यटन अर स्वरुजगार मा नौं कमौंणु च। सारी गौं मा अबि 50 होम स्टेट चलणा छन। जैमा ढाई सौ से जादा लोगु तैं रुजगार मिलणु च। मुख्यमंत्री धामिन बोलि कि सरकारन होम स्टे तैं बढ़ौंणा वास्ता बौत सरि योजना चलयीं च। उन्न बोलि यामा अच्छी बात या च कि गौं मा अब होम स्टे कु काम खुब चलणु च। यां से गाैंं वळों तैं रुजगार मिलण च।

बतै दियां की दिसम्बर मैना मा मुख्यंमत्री धामिन सारी गौं पौंछिकि राति यख होम स्टेट मा बासा रै छायीं। तबरि धामिन गौं म पर्यटन अर रुजगारै खुब तरिफ कै छायीं अर बोलि छायीं की यां से हौरि लोगु तैं बि काम करणा प्रेरणा मिललि। रुद्रपयाग बिटि सारी गौं 60 किलोमीटर दूर च। यख अबि 191 कुटुम्दरि रैंणि छन। सारी गौं मा करीब 1200 मनखि रैंदन। गौं मा 50 से जादा होम स्टे चलणा छन। जैमा गौं का 250 से जादा मनखियों तैं रुजगार मिलणु च। आज यख होम स्टेट 50 तक पौंछिग्ये, जैमा 41 होम स्टेट पर्यटन विभाग बिटि पंजीकृत छन अर कतगै लोगुन दीनदयाल उपाध्याय पयर्टक होम स्टे योजना जरिया होम स्टे सुरु कर्या छन। याका अलावा यख ट्रैकिंग ट्रैक्शन सेन्टर होम स्टे योजना जरिया 30 से जादा लोगु न अनुदान दियें ग्यायी। स्वरुजगारा कारण यख पलायन बि बौत कम च।