अग्निशमन सेवाओं कु आधुनिकीकरणा वास्ता 23.667 करोड़ रुप्यौं की मंजूरि
मुख्यमंत्री धामिन आज राज्य योजना क तहत पौड़ी गढ़वालै विकास खण्ड पाबौ म तुगडुण्डा भैंसवाडा मोटर मार्ग कु डामरीकरण वास्ता रुपया 44.98 लाख रुप्यौं मंजूरि करनि।
मुख्यमंत्रिन चमोली कर्णप्रयाग विधानसभा क विकासखण्ड गैरसैंण मा मालकोट कालीमाटी सेरा तिवाखर्ग मोटर मार्ग म रामगंगा नदी 48 मीटर स्पान स्टील गर्डन पुळ बणौंणा वास्ता 512.46 लाख रुप्यौं मंजूर करनि।
मुख्यमंत्रिन नैनीताल विधानसभा तोकम कालाढूंगी क निगम नालावाला मार्ग सोबन राम कु घौर बिटि सुरेश भट्ट कु घौर तक दुबरा बणौंणा वास्ता 183.47 लाख रुप्यौं की मंजूरि कायी।
यांका दगड़ि मुख्यमंत्रिन विधानसभा तोक गंगोलीहाट म चौडमन्या-कमतोली मोटर मार्ग तैं बणौंणा वास्ता 528.91 लाख रुप्यौं की मंजूरि कायी।
मुख्यमंत्रिन सैनिक इस्कूल घोड़ाखाल नैनीताल तैं चलौंणा अर इस्कूला वित्तीय दसा वास्ता मंजूरि बजट 5 करोड़ रुप्यौं तैं बढ़ै कि8 करोड़ रुप्या करणा की मंजूरि द्यायी।
मुख्यमंत्रिन प्रदेसम अग्निशमन सेवाओं तैं बढ़ौंणा अर आधुनिकीकरण करणा वास्ता 23.667 करोड़ रुप्यौं की मंजूरि द्यायी।