रामबाण च करेला
करेला खाणम कडु़ हुन्द पर स्वास्थ्य खुणि बौत अच्छु हून्द। करेला कुपोषण अर कतगै हौरि बिमारियों मा बेहद कारगार च। करेळा विटामिन से भरपूर हुन्द।
करेला खास कैकि डायबिटीज क मरिजु खूंणि फैदामन्द च। केरला पाचन तंत्र थैं भि ठीक करदु। जैं मनखि कु हाजमा ठीक नि च वैथें करेला कु उपयोग करण चैंद। करेला पचानतंत्र थैं दुरस्त करदु अर कब्ज से निजाद भि दिळादु।
करेला मा पोटेशियम, आयरन, बीटा कैरोटिन और कैल्शियम क अळवा कई विटामिन हून्दि जै कारण करेळा कुपोषण मा फैदामन्द च।
करेला खून मा शर्करा की मात्रा थैं नियंत्रित करदु। वखि करेला खाण से सोरायसिस, चर्म रोग मा भि फैंदा हुन्द।
मुधमेह
करेला मधुमेह की रामबाण द्वै च। करेला का टुकड़ों थैं सुखेकि बरीक पीसिकि, रोज एक चम्मच पाणी दगड़ ळिण से फैदा हुन्द।
तवचा रोग
करेला की भुज्जि खाण से अर करेला थैं मिक्सी मा पिसीकि लेप थैं फोड़ा फंुसी मा लगाण से त्वचा रोग मा फैंदा हुन्द।
जोड़ु कि पीड़ा –
गठिया या जोड़ु की पीड़म करेला खाण से आराम मिल्दु।
उल्टी दस्तम आराम –
करेला का म्याला अर काळी मिर्च थैं पीसिकि पाणी मा मिलैकि खाणा से उल्टी दस्त बन्द ह्वै जन्दिन।
मोटापा मा राहत
करेला अर लिम्बू कु रस मिलैकि पींण से शरैल मा पैदा हुंण वळा टॉक्सिंज अर अनावश्यक वसा कम ह्वै जान्द।
पीलिया की अचुक दवा
पीलिया अर मलेरिया जन बुखारम करेला थैं पीसिकि दिनमा एक-द्वी दा पींण से फैंदा हुन्द।
करेला हमरि शरीर खुणि बेहद फैंदा मंद पर जैं मनखि थैं अल्सर च यु करेला से दुर ही रैंया।