केशव प्रयागम सुरु ह्वे “पुष्कर कुुम्भ 2025”
देर-दराज माणा गौं मा केशव प्रयाग म 12 साल बाद पुष्कर कुुम्भ 2025 सुरु ह्वेग्ये। जैमा बदरीनाथ धाम क दगड़ि माणा गौं म बड़ी संख्यम सामिल छायीं।
चमोली जिलम माणा गौं म 12 साल बाद पुष्कर कंुभ उर्यें जाणु च। धार्मिक परंपरा म जब 12 सालु मा बृहस्पति ग्रह मिथुन राशिम आंद त माणा गौं मा अलकनंदा अर सरस्ती कु संगम केशव प्रयाग म पुष्कर कुंभ उर्यें जान्द। ये कुंभ मा दक्षिण भारता वैष्णव मतावलंबी भाग लिन्दन।
क्या च पुष्कर कुंभ
हिन्दू धार्मिक मान्यतक नुसार केशव प्रयागम महर्षि वेदव्यास न तपस्या कैकि पौराणिक ग्रंथ महाभारत लेखि। यु बि ब्वलें जान्द दक्षिण भारत क महान आचार्य रामानुजाचार्य अर माध्वाचार्य न यखि मां सरस्वती बटि ज्ञान प्राप्त कायी। इल्लै दक्षिण भारता वैष्णव मताबलंबी पुष्कर कुंभा बग्त माणा गौं पौंछिकि केशव प्रयागम पूजा करदन।