विधानसभा सत्रा तय्यरि पूरि, विधानसभा अध्यक्षन कायी समीक्षा

उत्तराखण्ड हूंण वलु वजट सत्रा विधानसभा सचिवालय न पूरि तय्यरि कै याली। विधानसभा अध्यक्ष ऋतु खंडूड़ी न अधिकारियों दगड़ि समीक्षा बैठक कायी। बैठक मा सत्र तैं सै ढंग से चलौंणा वास्ता अप्सरु दगड़ि बात कायी।

उत्तराखण्उ मा बजट सत्र 18 फरवरी से सुरु हूंण च। इन्न मा विधानसभा सचिवालय त्यरि में लग्यूं च। विधानसभा सत्रम क्वीं बि रुकावट नीं हूंया यांका वास्ता विधानसभाक भितर अर भैरा इन्नै-फुन्नै का क्षेत्रा बि समीक्षा करे जाणि च।
18 फरवीर से सुरु हूूंण वलु सत्र साल कु पैलु सत्र च इल्लै पैलि दिन राज्यपाल कु अभिभाषण होलु।
बजट सत्रम 30 विधायकों न प्रश्नकाल वास्ता सवाल भेज्यां छन। अबि तक कुल मिलैकि 521 सवाल विधानसभा सचिवालय तैं मिल्यां छन।
सदना भितर क्वीं बि मोबाइल कु इस्तमाल नीं कै साकला। विधानसभा अध्यक्ष न मुख्य सचिव तैं निर्देश दींन क्वीं बि अधिकारी विधानसभा भितर मोबाइल नी चलालु।
विधानसभा तैं पेपरलेस करणा कोसिस करे जाणि च।

ऐ मौका पर उन्न अधिकारियों तैं निर्देश दींन कि बोर्ड इमत्यान सुरु हूंणा छन सत्रा करण से इमत्यान दिंण वलों तैं क्वीं दिक्कत नीं हूंण चेंद।