भारत सरकारन सिंधु जल संधि पर रोक लगैकि पाकिस्तान तैं कुटकुटु जवाब दे द्यायी: धामी
मुख्यमंत्री धामिन बोलि कि प्रधानमंत्री मोदी कु कुशल अर फैसला लिंण वलि नेतृत्वम हूयीं सीसीए बैठक म आतंकवादा खिलाप कटकुटा फैसला लिये ग्येन अर अब कारवै सुरु ह्वेग्ये। भारत सरकारन सिंधु जल संधि पर रोक लगैकि पाकिस्तान तैं जवाब दे द्यायी।
मुख्यमंत्रिन बोलि कि प्रधानमंत्रिक नेतृत्व मा यीं फैसला आतंकवाद खिलाप भारता की जीरो टॉलरेंस नीति पर ठप्पा लगौंणा छन। यां से दुसमनु तैं साफ रैबार च कि भारत आतंकी हमलों कु जवाब देंणा खुणि त्यार च।
उन्न बोलि कि केन्द्र सरकार न सिंधु जल संधि पर रोक लगै कि साफ कै दे कि अब खून अर पाणि एक दगड़ि नीं बोगि सकदन। या से आतंकवादियों तैं पलण वला पाकिस्तान सुपिना टूटिग्येन। इन्न अटारी बॉर्डर चेक पोस्ट बंद हूंण से पाकिस्तान तैं कुटकुटु रैबार दिये ग्यायी।