आजादी क बीर सिपैयों कु त्याग अर बलिदाना कारण हि आज हम खुलि हवा मा सांस लिंणा छौ : मुख्यमंत्री

मुख्यमंत्री धाामिन आज पेशावर कांडा वर्षगांठ पर विकासखण्ड थलीसैंणम पीठसैंणम उर्र्यू क्रांन्ति दिवसा कौथिग मा भाग ल्यायी।

ऐ मौका मुख्यमंत्री धामिन स्वतंत्रता संग्राम सेनानी तैं याद कायी अर बोलि आजादी क बीर सिपैयों कु त्याग अर बलिदाना कारण हम आज खुलि हवा मा सांस लिंणा छौ।
मुख्यमंत्री धामिन पीठसैंणम वीर चन्द्र सिंग गढ़वाली स्मारक मा उर्यूं राजकीय क्रांति दिवस कौथिग दीप जगै कि सुरु कायी।

यां से पैलि उन्न वीर चन्द्र सिंग गढ़वाळि क प्रतिमा पर फुळ चढ़ै कि श्रद्धांजली द्यायी।

ऐ मौका पर द्वी मिनटा कु मौन जम्मू-कश्मीर मा पहलगाम म आतंकी हमलमा शहीद हूंया लोगु तैं श्रद्धांजली द्यायी।
मुख्यमंत्रिन बोलि क दोषियों तैं सजा दिये जाली।

मुख्यमंत्रिन बोलि कि प्रदेस सरकार स्वतंत्रता सेनानियों अर देसा क रक्षा करण वला वीर ज्वानु क कुटुम्दरि क भलै का वास्ता सदिन त्यार च। शहीद सैनिकु कु सम्मान म देरादूण म शौर्य स्थल बण्यें जाणु च।

मुख्यमंत्रिन बोलि शहीद सैनिकु क कुटुम्दरिम एक तैं सरकरि नौकरि दिये जाणि च। स्वतंत्रा संग्राम सैनानी अर ऊंकी विधवा तैं 21 हजार रुप्या पिंसन तैं बढ़ै कि 25 हजार रुप्या करे ग्यायी।

ऐ मौका पर उच्च शिक्षा मंत्री डॉ. धन सिंह रावतत बोलि कि विद्यालयी पाठ्यक्रम म वीर चन्द्र सिंह गढ़वाळि की जीवनी तैं सामिल करे ग्यायी। थलीसैंण म एक ऑडिटोरियम अर अर बंूगीधार म एक खेल कु मैदान बण्यें जालु यांका दगड़ि पीठसैंणम 100 गरीब व अनाथ बच्चों खुणि हॉस्टल बणिकि त्यार ह्वेग्ये।
ऐ मौका फर मुख्यमंत्री अर शिक्षामंत्रिन थलीसैंण तोक मा दस अर बारम पैलि, दुसर अर तिसर नम्बर पर अयां नौन्यालु तैं इनाम बि दियेग्येन।