पंचैत चुनौ तैं लेकैकि जालि चिट्ठी सोशल मीडिया म ह्वे वायरल

उत्तराखण्डम पैंचत चुना कब होला यांका बारम खूब छ्वीं लगणि छन अर यनि उमेद करे जाणि च हरद्वार जिला तैं छोड़िकि प्रदेसम 31 तक जुलै तक चुनौ ह्वे सकदन। यांका वास्ता प्रदेस सरकारन अपणि तय्यरि तेज कै याली। प्रदेस सरकारन पंचैत प्रशंसकु कु कार्यकाल तैं बि 31 जुलै तक बढ़ै याली, अर आरक्षणा बारम अधिसूचना जारी कै याली।
यांका बाद आज पंचैत चुना क तारीख तैं लेकैकि एक चिट्ठी सोशल मीडियम खूब वायरल ह्वेग्ये।

चिट्टीम लिखे ग्यायी कि 23 जून खुणि पंचैत चुना का बारम अधिसूचना शासना तरफां बिटि जारी करे जाली। अर 25 जून खुणि राज्य निर्वाचन आयोग अर 26 जून खुणि जिला निर्वाचन अधिसूचना जारी करालु।
चिट्ठी कु वायरल हूंणा बाद राज्य निर्वाचन आयोग अर पंचैत राज विभाग म घंगतोळह ह्वेग्ये किलैकि अबि पंचैत चुनौ का वास्ता आरक्षण क काम चलणु च। पंचैत राज विभागन 13 जून आज तक आरक्षणा अनन्तिम सूचना जारी करणा सूचना जारी करी च। अर यांका बाद आरक्षण प्रस्ताव पर आपत्ति लिये जाली यांकु हल करे जालु। जै का बाद 18 जून खुणि आरक्षणा आखरि सूचना जारी करे जाली।

यांका बाद 19 जून खुणि आरक्षण प्रस्ताव तैं पंचैत राज्य निर्वाचन आयोग तैं भ्यजे जालु।
पर यां से पैलि हि सोशल मीडियम चिट्ठी जारी ह्वेग्ये। अर प्रदेसम भिवड़ाट मचिग्ये।
यांका बारम पंचैत राज सचिव न बतै कि सोशल मीडिया म वायरल हूंणि चिट्टी झूठी च अर पंचैत राज विभागा तरफां बिटि क्वीं बि चिट्टी जारी नीं ह्वे।