मुख्यमंत्री पौंछिन दिल्ली, विधायक अर मंत्रियों की जिकुड़िम ह्वे धकध्याट
मुख्यमंत्रिन धामी दिल्ली दौरा पर छन त प्रदेसम एकदा दुबरा मंत्री अर विधायकों की जिकुड़ि धकधक करणि बैठिग्ये।
खबर इन्नि आणि च कि नवरात्र म मंत्रीमण्डल कु विस्तार ह्वे सकदू।
मुख्यमंत्री आज पैलि ओडिशा पौंछिन अर यांका बाद खबर इन्नि आणि च कि आज मुख्यमंत्री बासा दिल्लीम राला अर आलाकमान दगड़ि मुखाभेंट कारला। इन्न मा इन्नु ब्वलें जाणु च कि धामी मंत्रीमण्डल मा विस्तार ह्वे सकदु।
खबर इन्नि बि आणि च कि प्रदेसम प्रदेश अध्यक्ष अर दायित्वधारियों की बारम बि पार्टी क भितर चर्चा सुरु ह्वेग्ये। प्रदेसम भाजपा प्रदेस अध्यक्ष नौं की घोषणा कबि बि ह्वे सकद।