मुख्यमंत्रिन केन्द्रीय जलशक्ति मंत्री दगड़ि मुखाभेंट कायी अर ‘सेला उर्थिग जलविद्युत परियोजना’ तैं मंजूरी देंणा विनति कायी
मुख्यमंत्रिन धामिन आज नै दिल्ली म जलशक्ति मंत्री सी आर पाटिला दगड़ि मुखाभेंट कायी। ऐ मौका पर मुख्यमंत्रिन उत्तराखण्डा समाजिक अर आर्थिक विकासा वास्ता 08 जलविद्युत परियोजना तैं बणौंणा विनीति कायी।
मुख्यमंत्री न बोलि कि उत्तराखण्उ सरकार माँ गंगा अर हौरि हौरि गदनौं की निर्मलता, अवरिलता अर पर्यावरण बचौंणा वास्ता प्रतिबद्ध च। उन्न बोलि कि उत्तराखण्उ सरकार जणगुरौं तैं बथ्या बाटों पर विकास लक्ष्य पर अगनै बढ़णि च।
मुख्यमंत्रिन बोलि 114 मेगावाट की ‘सेला उर्थिग जलविद्युत परियोजना’ धौलीगंगा पर पिथौरागढ़म च। यु उत्तराखण्ड प्रदेसा केरा भितर गंगा बेसिन कु भाग नीं च। प्रदेसम गंगा अर ऊंकी सहायक नदियों पर परियोजना बणौंण पर क्वीं रोक नीं च।
इल्लै उर्थिंग जल विद्युत परियोजना जु गंगा बेसिन कु भाग नीं च, तैं मंजूरि दिये जाण चैंद। मुख्यमंत्रिन केन्द्रीय मंत्री तैं यांका बारम अधिकारियों तैं निर्देश देंणा की विनीति कायी।
ऐ मौका पर मुख्यमंत्रिन केन्द्रीय मंत्री दगड़ि कैबिनेट सचिव भारत सरकारा अध्यक्षता म बण्यीं समिति संस्तुति अर प्रदेस सरकार क विनति पर 647 मेगावाट क्षमता की 7 जलविद्युत परियोजनाओं की मंजूरि दंेणा विनति कायी।