भोळ 30 अप्रैल बटि सुरु हूंणि च चारधाम जातरा

श्री गंगोत्री धाम अर श्री यमुनोत्री धामा द्वार खुलण दगड़ि भोळ 30 अप्रैल बटि चारधाम जातरा सुरु ह्वे हूंणि च।

धर्मनगरी हरद्वार तैं चारधाम जातरा कु प्रवेश द्वार ब्वलें जान्द। हरद्वार बिटि एकदिन पैलि आज श्रद्धालुऔं कु जत्था जातरा खुणि पैटिग्ये। उन्न बदरी-केदारा जयकारों क दगड़ि जातरिया जातरा सुरु कायी।

भोळ अक्षय तृतीया 30 अप्रैल खुणि गंगोत्री अर यमनोत्री धामा द्वार ख्वलें जाला, गंगोत्री अर यमनोत्री धामा द्वार ख्वलदा हि चारधाम जातरा सुरु ह्वे जाली।

हरद्वार बिटि अधिष्ठात्री देवी मां माया देवी की पूजक बाद चारधाम जातरा म जाण वला जातरियों कु पैलि गाड़ि तैं पर्यटन निदेशक वाईएस गंगवारन हारु झण्डा दिखै कि फट्यायीं।