आउटसोर्स संविदा अर दैनिक वेतन से जुड़ी भर्ति पर रोक
उत्तराखण्ड शासनन आउटसोर्स संविदा अर दैनिक वेतन से जुड़ी भर्ति पर रोक लगै दे। धामी सरकारन यु बडु फैसला ल्यायी। मुख्यम सचिव आनंद वर्धनन इन्न भर्ती पर पूरि तरौं रोक लगौंणा आदेश जारी कै दे।
उत्तराखण्डम संविदा, आउटसोर्स अर दैनिक वेतनभोगी भर्ति एकदा दुबरा चर्चाम ऐग्ये। कतगा दा इन्नि भर्ति पर रोक लगयें ग्यायी, यांका बाद बि भर्ति लगातार हूंणि रैन।
पर अबकदा मुख्य सचिवन आउटसोर्स, दैनिक वेतन अर संविदा भर्ति पर रोक लगौंणा कु आदेश जारी करिन। आदेशम साफ करे ग्यायी कि सबि विभागम विभागीय स्वीकृत पदु पर पक्की भर्ति चयन प्रक्रियक जरिया हि होलि। यांका खुणि खाली पदु मा अधियाचन भ्यजणा का निर्देश दिऐ ग्येन।
मुख्य सचिव आनंद बर्द्धना सबि प्रमुख सचिव, सचिव, मंडलायुक्त, जिलाधिकारियों तैं रोक सम्बधी आदेश जारी कायी। सबि विभागु तैं निर्देश दिएग्येन कि वु सबि खाली प्वड़या पदु पर पक्की भर्ति वास्ता आयोग तैं अधियाचन भ्यजें ज्यां।
जु बि अधिकारी आउटसोर्स भर्ति करालु, वीं भर्ति खुणि वीं जिम्मेबार होलु, अर वैका खिलाप कारवै करे जाली।
उन्न बोलि कि प्रदेसम छठौं वेतन आयोग क सिफारिशें लागू हूणा बाद चतुर्थ श्रेणी पदु तैं खतम करे ग्यायी, चतुर्थ श्रेणी पदु पर आउटसोर्सा जरिया कर्मचारी भर्ति करे जान्दा छायीं।