आतंकवाद अर वैंतै पलण वलों तैं साफ रैबार, आतंकी करवै कु जवाब ऊंकी भाषा मा दिये जालु: मुख्यमंत्री

मुख्यमंत्री धामिन नेतृत्व मा आज शौर्य स्थल चीड़बाग बटि गांधी पार्क तक ‘तिरंगा शौर्य सम्मान जातरा’ उर्यें ग्यायी।
या जातरा भारतीय सशस्त्र बलु क ऑपरेशन सिंदूर की ऐतिहासिक जीत फर उर्यें ग्यायी। हजारू की संख्यम लोग, रिटैर फौजी, ज्वान, मातृशक्ति न तिरंगा जातरा मा भाग ल्यायी। ऐ मौका पर मुख्यमंत्री पैलि शौर्यस्थल पर शहीद ज्वानु तैं श्रद्धांजलि द्यायी।

मुख्यमंत्रिन ऐ मौका पर ऑपरेशन सिंदूर म भाग लिंण वला वीर सैनिकु, वायु सेना, नौसेना अर सबि सुरक्षा बलु तैं नमन कायी अर बोलि कि भारतन एकदा दूबर साबित कै दे कि आतंकवाद क खिलाप कारवै करणा खुणि सक्षम छौ। मुख्यमंत्रिन बोलि कि ऑपरेशन सिंदूरा जरिया भारतन अपणा वीर ज्वानु की बहादूरी देखि अर आतंकवाद अर वैंतै पलण वलों तैं साफ रैबार द्यायी कि अब भारत आतंकी करवै कु जवाब ऊंकी भाषा मा देंदु।

मुख्यमंत्रिन बोलि कि उत्तराखण्ड वीर भूमि च, यख हरेक परिवार बटि लोग देस सेवा मा जुड़या छन। उन्न प्रदेसा ज्वानु से विनति कायी कि सेना अर सुरक्षा बलु का शौर्य अर राष्ट्रसेवा की प्रेरणा लेकैकि अगने बढ़यां। मुख्यमंत्रिन ऑपरेशन सिंदूरा ऐतिहासिक जीत पर ‘तिरंगा शौर्य सम्मान जातरा’ तैं हरेक साल मनौंणक बारम बि बोलि।

ऐ मौका पर सैनिक कल्याण मंत्री गणेश जोशी, राज्यसभा सांसद महेंद्र भट्ट, पैल्यका मुख्यमंत्री डॉ. रमेश पोखरियाल निशंक,विधायक खजान दास, उमेश शर्मा काऊ, बृज भूषण गैरोला, भरत चौधरी, मेयर देहरादूण सौरभ थपलियाल, पैल्यका राज्यसभा सांसद तरुण विजय, भाजपा प्रदेस महामंत्री आदित्य कोठारी, महानगर अध्यक्ष सिद्धार्थ अग्रवाल बि छायीं।