मुख्यमंत्री धामिन केन्द्रीय रक्षा मंत्री राजनाथ सिंह दगड़ि कायी मुखा भेंट
मुख्यमंत्री पुष्कर सिंह धामिन आज नै दिल्लिम केन्द्रीय रक्षा मंत्री राजनाथ सिंह दगड़ि मुखा भेंट कायी अर प्रदेसा बारम चर्चा कायी।
मुख्यमंत्रिन केन्द्रीय रक्षा मंत्री से रानीखेत अर लैंसडौन क्षेत्रम तैं नगर निगम मा मिलौंणा वास्ता विनीति कायी।
मुख्यमंत्रिन धारचुला अर ज्योतिर्मठ सैन्य हेलीपैड बिटि आरसीएस हवै सेवा चलौंणा मंजूरि देंणा बारम अर प्रदेसम आपदा मा भारतीय वायुसेना क सेवाओं तैं मुफतम देंणा विनति बि कायी।
मुख्यमंत्रिन ग्वालदम बिटि नंदकेसरी ह्वैकैकि थराली देवाल-मुन्दोली-वाण मोटर मार्गा देख-रेख कु काम भवेष्य मा लोक निर्माण विभाग से करौंण की विनति बि कायी। मुख्यमंत्रिन बोलि कि या सड़क नंदा देवी राजजात जातरा कु मुख्य मार्ग च। हरेक 12 सालु म यख जातरा हूंद अर जु 2026 मा होलि। या जातरा धार्मिक अर संस्कृति आस्ता कु प्रतीक च।
केन्द्रीय रक्षा मंत्री न सबि प्रस्ताबु पर कारवै करणा कु मंजूरि करण कु भरोसु दे।