हेली सेवा, सुरक्षा मानकों मा क्वीं बि समझौता कतै नीं करे जालु

उत्तराखण्डम चारधाम जातरा खळाखळ चलणि च। जैमा बौत सर्या कम्पनी हवै सेवा दिंणि छन।
अर ऐसु कुछ दिनु बिटि हवै सेवा म दुर्घटना खबर बि कुछ जादा हि आणि च। जै फर अब मुख्यमंत्री धामी नराज छन। मुख्यमंत्री धामिन हवै सेवा देंण वला हेली सेवा अर ऑपरेटरु तैं चेतावनी द्यायी अर बोलि कि हवै सेवाकों का सुरक्षा मानक मा क्वीं बि समझौता नीं करै जालु। मुख्यमंत्री साफ बोलि कि हवै सेवा म जादा से जादा जातरी भ्वरण से जादा सुरक्षा मानकु पर पैलि ध्यान दिये जाण चैंद। यांका दगडि उन्न हेली दुर्घटना कु ऑडिट अर लगातार समीक्षा करणा बारम बोलि।

मुख्यमंत्रीन हेली सेवा दिंण वला ऑपरेटरू तैं बोलि कि जातरियों प्रति अपणि व्वौवहार अच्छु रख्या, जै से सर्या दुन्या अच्छु रैबार जयां। उन्न हेली ऑपरेटरू तैं चारधाम जातरा म सफै कु खास ध्यान रखण खुणि बि बोलि अर सफै अभियान चलौंणा खुणि बोलि। मुख्यमंत्रिन बोलि कि भवेष्यम हवै सेवा की मांग बढ़लि यांका वास्ता बौत सर्या हेलीपैड हौरि बणणा छन। उन्न बोलि कि पर्यटन अर चारधाम जातरा प्रदेस हूंण से यख हेली सेवा की मांग हौरि बढ़लि।

मुख्यमंत्री धामिन बोलि जातरियों के सुरक्षा हमरि पैलि जिम्मेबरि च। मुख्यमंत्रिन हेलीकॉप्टर लगातार जांच अर हेली टिकट बुकिंग वास्ता सखत एसओपी बणौंणा अर उच्च हिमालयी तोकम चलण वला हेलीकॉप्टर का इंजन सुरक्ष मानकु कु पालन करणा कु निर्देश बि दींन।