अद्धा रातिम ‘ऑपरेशन सिंदूर’ आतंकी ठिकाणों पर कारवै

भारतीय फौजन ऑपरेशन सिंदूर कैकि पहलगाम आतंकी हमला कु बदला लियाली। अद्धा रातिम ऑपरेशन सिंदूरा जरिया भारतीय सेनन पाकिस्ताना भितर जैकि आतंकी ठिकाणों पर मिसाइलन हमला कायी। जैमा 90 से जादा आतंकी टुणपट ह्वेग्येगीन।

ऐ मामला म ज्योतिष्पीठ शंकराचार्य स्वामी अविमुक्तेश्वरानंद सरस्वती न बोलि कि पाकिस्तानम लुक्यां आतंकियों पर कारवै कु स्वागत च। उन्न बोलि कि देस बौत बगत बटि इन्न कारवै की उमेद करणु छायीं। उन्न बोलि कि भारत सरकार से अबि हौरि उमेद च।

स्वामी अविमुक्तिेश्वरांद सरस्वती न बोलि कि भारत इन्नि कारवै कर्यां जै से पाकिस्तान 100 साल पिछने चलि ज्यां।

शंकराचार्य अविमुक्तेश्रानंद सरस्वतीन बोलि कि पाकिस्तानन आतंकियों तैं पलण कु जुरम कायी। उन्न बोलि सिंदूर मिटोण वलों की कपाळम अब सिंदूर चढ़लु। उन्न बोलि ये ऑपरेशन तैं भारतीय सेनन सोचि-समछि कि ‘ऑपरेशन सिंदूर’ नौं द्यायी। हमतैं हमरि सेना पर गर्व च।

बतै दियां कि पहलगाम हमलक बाद भारत न पाकिस्तान पर बडु हमला कायी। जैमा 9 आतंकी ठिकानौं पर मिसाइल कायी। जै तैं ‘आपरेशन सिंदूर’ ब्वलें ग्यायी। भारतीय सेना, वायुसेना, अर नौसेना न मिलिकि कायी।

ऐ ऑपरेशना बाद विदेस सचिव विक्रम मिस्री क दगड़ि कर्नल सोफिया कुरैशी अर विंग कमांडर व्योमिका सिंहन ब्रीफिंग कायी अर ऑपरेशन सिंदूर बारम जाणकारी द्यायी।