घिंगतोळ म पंचैत चुनौ

उत्तराखण्डम पंचैत चुनौ कब होला, या पर अबि घिंगतोळ हूंयू च। पैलि ब्वलें जाणु छायीं कि जेठा मैना मा चुनौ ह्वे सकदन। पर अब चारधाम जातरा तैं देखिकि इन्न लगणु च की पंचैत चुनौ जेठा मैना मा हूंणा मुसकिल छन।

बतै दियां कि जेठा मैना मा प्रशासकौं कु कार्यकाल खतम हूंणू च। अर पंचैत चुनौ से पैलि ओबीसी आरक्षण वास्ता पंचैत एक्ट मा संशोधन हूंण जरुरी च। जैका बाद शासनादेस होलु अर प्रतिशता हिसाब से आरक्षण तय करे जालु।

कैबिनेट मा ओबीसी आरक्षण पर क्वीं अध्यादेश नीं ऐ। इन्न मा इन्नु लगणु च कि प्रशासकु की कार्यकाल तैं बढ़ये जालु।

बतै दियां कि हरद्वार तैं छोड़िकि प्रदेसा 12 जिलों मा पंचैत चुना हूंणिन अर चुनौ से पैलि ओबीसी आरक्षण वास्ता पंचैत एक्ट मा संशोधन हूंण। यांका बाद शासनादेश होलु अर प्रतिशता हिसाब से आरक्षण तय करे जालु। यांका बाद आरक्षण तैं लेकैकि लोगुकि जु बि दिक्कत होलि, यांकु हल करे जालु। एससी, एसटी, ओबीसी अर महिला आरक्षण पर जु बि दिक्कत तैं ठीक करणा बाद पंचैत चुनौ की अधिसूचना जारी होलि। ये कामम बौत बगत लगलु , यांका बाद बि राज्य निर्वाचन चुनौ बगतम करणा बात ब्वनु त छैंच पर सर्या सरकरि मसीनरी त चारधाम जातरा मा लगि च। पुलिस अर प्रशासन समणि चारधाम जातरा पैलि चुनौती च इन्न मा चुनौ करणु क्वीं असान नीं होलु।

इन्न मा साफ च कि जेठा मैना मा चुनौ करणु क्वीं उमेद नीं च। प्रशासकों कु कार्यकाल 10 जून खुणि खतम हूंणू च।